ახალციხის სამხატვრო სკოლა

ა(ა)იპ „სკოლის გარეშე  სახელოვნებო საგანმანათლებლო  დაწესებულება – ქალაქ ახალციხის სამხატვრო სკოლა“

 დირექტორი – ნანა ნათენაძე

მისამართი – ქალაქი ახალციხე, კეცხოველის ქუჩა №6

 არასამეწარმეო (არაკომერციული) იურიდიული პირი „სკოლის გარეშე  სახელოვნებო საგანმანათლებლო  დაწესებულება – ქალაქ ახალციხის სამხატვრო სკოლა“  დაფუძნებულია ახალციხის მუნიციპალიტეტის მიერ.

 იურიდიული პირის მიზნები და ამოცანებია: 

• მოსწავლეებს მისცეს დაწყებითი 6 წლიანი სამხატვრო განათლება, სათანადო კვალიფიკაციის მქონე პედაგოგთა მეშვეობით;
• სამხატვრო სკოლაში განახორციელოს დაწყებითი სახელოვნებო საგანმანათლებლო პროგრამა;
• საფუძველი ჩაუყაროს მოსწავლის აზროვნების, ემოციური სამყაროს და ნებისყოფის ფორმირებას, მის გონებრივ და ესთეტიკურ აღზრდას;
• შესაბამისი პირობების შექმნით ხელი შეუწყოს მოსწავლის ინდივიდუალური შემოქმედებითი მიდრეკილებების განვითარებას, კულტურული მემკვიდრეობის შესწავლას და ამ გზით მის შენარჩუნებას;
• გამოუმუშაოს მოსწავლეებს სამყაროს მხატვრული აღქმისა და საკუთარი ინტერპრეტაციების უნარ-ჩვევები, ინდივიდუალური და ჯგუფური პრაქტიკული აქტივობებით;

სკოლა  მრავალფეროვან სასწავლო პროგრამას სთავაზობს მოსწავლეებს. აქ, ისინი  უფასოდ ეუფლებიან  ხატვას, ფერწერას, მოდელირებას, გამოყენებით ხელოვნებას,  კომპოზიციაზე, ქანდაკებაზე, მინანქარზე,  კერამიკაზე,  თექაზე  მუშაობას და სხვა.